Ukrainalılarğa mesken ve qış urbasını bergen BMT ve hayriye teşkilâtları içün 34 million funt sterling (eñ az 41 million dollar) yardımı berilecek. Britaniya ükümetiniñ saytında bu aqqında haber berdiler.

Bundan ğayrı, bu yardım çerçivesinde ukrain ev hocalıqlarınıñ elektrik teminatını destek etmek maqsadınen ülke, 10 million funt sterling (eñ az 12 million dollar) berecek.

Bundan ğayrı, qış mevsiminde Ukraina Ükümetiniñ 3 million ailege soñ derecede müim ödemelerni yapa bilmesi içün Dünya bankı vastasınen Büyük Britaniya, 599 million dollar ayırdı.