Şu anda endi 510 DAK şurası çalışa. Olarnıñ işiniñ prioritetleri arasında köçken insanlarnıñ yañi cemiyetke integratsiyası, olarnı meskennen temin etüv, DAK olğan vatandaşlarnıñ zayıf gruppalarına yardım etüvdir.

DAK meseleleri idare ştabınıñ oturışında bu aqqında laf ettiler.

Bütün Ukraina boyunca şuralarnıñ faal tarqatılması, bu mehanizmniñ semereligini kösterir.

Oturışta DAK şuralarınıñ vazifelerini kenişletmege muzakere ettiler. Bundan ğayrı, şuralarnıñ azalarınıñ sayısı ve şura terkibine qatıla bilgen teşkilâtlarnıñ kategoriyaları kibi teşkiliy meseleler, muzakere mevzusı oldı.

Bu tür tekliflerni tüşünip çıqarmaq içün DAK Şurasınıñ vekilleri ve içtimaiy teşkilâtlar faalca qatıldılar.

“Semereli mehanizmge saip olmaq içün bütün tekliflerni diñlemelimiz”, – dep İrına Vereşçuk hulâsa çıqardı.