Avropa energetika meseleleri komissarı Kadri Simson, bizim devletimizge bu tür grant yatırımınıñ anonsını yaptı, dep Ükümet portalı haber berdi.

O qayd etti ki, avropa cemaatı, bu qış ukrain energetikasına rus ücümleriniñ devamına azır olmalı. Bundan ğayrı, olarnı asğarlaştırmaq içün ğayret köstermeli.

Bundan ğayrı, memur avropa ülkelerini Ukraina Energetika destek fonduna yatırım yapmağa devam etmege çağırdı.

Hatırlatamız ki, 2022 senesi baar mevsiminde bu fond teşkil etildi. Onıñ yardımınen ükümetler, haqlara maliyeviy teşkilâtlar, şahsiy donorlar da ülkemizniñ energetika saasını destek etmege qatıla bilirler.