BMTnıñ QMYK ve IREXniñ desteginen “Stabilization Support Servises” hayriye fondunen işdeşliginde ReNazirliginiñ teşebbüsinen bu forum teşkil etildi.

Tedbir boş aynıñ 1-3 künlerinde olacaq ve DAK vekilleri, devlet, cemaat ve halqara teşkilâtlarnen dialog içün birinci keniş bir platforma olacaq.

Tedbirde şöyle insan iştirak etecekler: Ukraina vitse baş naziri İrına Vereşçuk, halq mebusları, devlet akimiyeti ve yerli öz-özüni idare organlarınıñ vekilleri, halqara teşkilâtlarnıñ vekilleri, içtimaiy ve göñülli teşkilâtlarnıñ vekilleri. Bundan ğayrı, forumda bütün Ukrainadan DAK Şuralarınıñ vekilleri iştirak etecekler.

Forumnıñ maqsadı, devlet içinde alınğan kişilerni destek algoritmlerini birlikte azırlamaqtır.

Şu anda Ukrainada tahminen 5 million DAK bar. Deyerli er kesniñ içtimaiy qorçalav, iş, yañı cemaatqa integratsiyağa ihtiyacı bar.

“Bizim maqsadımız, devlet içinde alınğan kişilerniñ yañı cemaatqa integratsiyası ve adaptatsiyası içün akimiyet, içtimaiy ve halqara teşkilâtlarnıñ ğayertlerini birleştirmektir”, dep vitse baş nazir İrına Vereşçuk qayd etti.

Hatırlatamız ki, DAK Şuraları devlet içinde alınğan kişilerniñ menfaatını qorçalamalı, yani olarnıñ aqlarını yañi cemaatta qorçamalılar, yañı yerde inetgratsiyası ve adaptatsiyasına yardım etmeliler.

DAŞ Şurası, devlet içinde alınğan kişilerden ibaret olğan ve göñülli, fırqadan tış şekilde areket etken mesleat ve yardımcı organıdır. Şu anda Ukrainada eñ az 500 DAK Şurası bar.