Diia portalında bir ariza vastasınen öz işini başlatmaq içün kerekli servislerni almaq mümkün olacaq. Raqam nazirligi bu aqqında haber berdi.

e-İş insanı, biznes içün 12 hızmetni birleştirecek, şu cümleden:

– FOP devlet qayd etüvi;

– tek bergi ödeyicini qayd etüv;

– boş iş aqqında malümat berüv;

– bank esabını açma;

– yanğın telükesizligi aqqında deklaratsiyasını qayd etüv ve ilâhre.

Öz işini başlatuv ya da inkişaf ettirüvniñ er bir basamağında hızmet almaq mümkün olacaq.

Bundan ğayrı, aynı zamanda iş insanları teklif etilgen eki ve çoqça hızmet ala bilirler.

e-İş insanı kompleksli hımzeti, Avropa Birligi tarafından maliye etilgen ve Estoniya elektron idare akademiyası tarafından kirsetilgen EU4DigitalUA leyhası çerçivesinde azırlanır.