Helsingin Sanomat fin basımına intervyu bergende vitse baş nazir İrına Vereşçuk bunı bildirdi.

Onıñ sözlerine köre, keçken qış mevsiminde rusiyeniñ energetika astyapısını viran ve yoq eterek ukrainalılarnıñ ruhunı bozmağa tırışqanını bütün dünya kördi. Bes belli ki, kelecek qış böyle areketler de yapar.

“Bunıñ içün biz böylece yardım ve destekke ihtiyac duyamız”, – dep memur qayd etti ve keçken tecirbe ukrainalılar içün faydalı olğanından eminligini bildirdi.

“Şimdi ise ne yapacağımıznı bilemiz ve azırlanamız”, – dep qoştı o.

Vitse baş nazir qayd etti ki, ava mudafaasından ğayrı, rus top silâsını ketirüv yollarını boza bilecek Ukrainağa uzaq raketalar kerek Misal olaraq, AQŞtan yollanğan Mudafaa quvetleriniñ qullanğanları ATACMS raketalarınıñ semereligini baqıp ögrendik. Bu, aniy neticedir. 

“Amma arbiy ceetnen yanında gumanitar cebede destekke ihtiyacımız da bar. İnsanlarğa baqmaq: qış yaşamağa yardım etmek, kerekli içtimaiy ödemelerni ve pensiya vaqtında bermek içün. Çoq bizim ecnebiy ortağımız, öz destegi ve bu ceryanda bizge yardım etmek azırlığını bildirdi”, – dep İrına Vereşçuk hulâsa çıqardı.