Vitse baş nazir İrına Vereşçuknıñ başlığınen Ukrainağa qarşı silâlı tecavuz neticesinde azatlıqtan marum etilgen olaraq tanıma meseleleri eyyertiniñ işine dair müessiselerarası oturış keçirildi.

2022 senesi boş aynıñ 19-ında aqqını alğan 2010-IX Qanunını yerine ketirmek içün bu eyyet teşkil etildi. Onıñ 18 azası bar (olardan 5-i – içtimaiy teşkilâtlarnı vekilleri). Eyyet, ReNazirliginiñ uzurında çalışa.

Şu anda Eyyetniñ 8 oturışı keçirildi. Onıñ neticelerine köre 4337 insan (3574 asker ve 763 vatandaş) azatlıqtan marum etilgen olaraq tanındı.

Eyyetniñ oturışlarınıñ neticelerine köre Ukrainağa qarşı silâlı tecavuz neticesinde azatlıqtan marum etilgen olaraq tanınğan insanlar tek siciline maqbul bilgiler kirsetilir. Bu Sicilniñ idarecisi, ReNazirliginiñ idare etkeni Milliy malümat bürosıdır.

Eyyetniñ işiniñ neticelerine köre ReNazirligi, bir kerelik ve senelik devlet para yardımı öder. Böylece, bu sene başlap soñ esirlikten azat etilgen insanlarğa, esir etilgen askerler, vatandaşlar ve siyasiy mabüslerniñ ailelerine umumen 422 million grivna ödendi.Mezkür devlet para yardımını almaq içün ReNazirligine hitap etmek kerek. Bağlantığa basıp, areketler algoritmi ve kerekli vesiqalar cedvelinen tanış olmaq mümkün.