Almaniy içeri ve tış işleri nazirlikleri Ukrainağa 6,1 million yevro qış gumanitar yardım paketini bermege qarar berdiler. Almaniya İİNniñ resmiy saytında bu aqqında haber berdiler.

Devlet içinde alınğan kişiler, cebege yaqın şeerler ve cemaatnı destek etmek maqsadınen Tehnikiy yardım federal agentliginiñ (THW) yardımınen alman ükümeti ülkemizge eñ az 500 elektrik generatornı berecek. Olarnıñ umumiy fiyatı tahminen 3,5 million yevrodır.

Bundan ğayrı, 900 qızdırıcı alet, 1700 qış yuqu çuvalı, toplanğan yataqlar, çadırlar, ev konteynerleri, qış urbası, mobil tarla aşhanesi ve içilir suv temizletici sistemalarnı berecekler.

Hatırlatamız ki, Almaniya Ukrainanı ve vatandaşlarını destek etmege devam ete. Şu cümleden, energetika astyapı içün THW endi eñ az 800 elektrik generator ve 15 akkamulâtor blokını endi berdi. Olqar issitici elektrik stantsiyalar, pompa stantsiyaları ve başqa yaşayış teminatı obyektlerinde qullanıla.