Mülk aqlarını qayd etüv vaqialarını tasdıqlama mehanizmleri, cezalandıruv sistemasınıñ işi aqqında laf etemiz. Bundan ğayrı, cenk neticelerini yoq etmek içün lüstratsiya tedbirleri ve İAETda çalışacaq hadimler yedegini şekillendirüv aqqında laf etemiz.

İAETda adliye organlarınıñ yañıdan çalışmasına dair oturışnıñ iştirakçileri bu meselelerni muzakere ettiler.

Cemaat erbaplarınen, şu cümleden ZMINA insan aqları merkezinen beraber ReNazirligi, İAETda devlet akimiyetiniñ yañıdan çalışması ve ealisiniñ reintegratsiyası strategiyasınıñ ilk umumiy draftını endi azrıladı. Oña köre, devlet siyasetiniñ esas maqsadı, ealiniñ aqlarını yerine ketirmek ve qorçalamaq içün uyğun şartlarnı yaratmaq olacaq.

Bundan başqa, saylanğan nazirlikler, öz kontseptsiyalarını azırlamağa çalışalar.

Şu anda bu ceryanğa Adliye nazirligi de qatıla. Reintegratsiyağa öz nazar noqtasını yaratuvı yolundaki ilk adımı maqbul iş gruppasını teşkil etmesi olacaq.

Strategiya azırlamaq içün akimiyetniñ makeme pıtağınıñ vekillerini de celp etecekler.

“Ukrain topraqları işğalden azat etilecek soñ bizde adliye organlarını acelen yañıdan çalıştırmaq meselesi olacaq. Bunıñ içün semereli ve ameliy areketler planını şekillendirmelimiz”, – dep vitse baş nazir İrına Vereşçuk qayd etti.