“Sağlıq tüzetüvi” – Ukraina İlk hanımı Olena Zelenskanıñ teşebbüs etkeni “Nasılsıñ?” Umumiy ukrain ruhiy sağlıq programmasınıñ vilâyetteki tedbiridir.

Leyhanıñ esas maqsadı, mobilizatsiyadan qaytqan veteranlarğa adaptatsiya etmege ve yañıdan cemiyetleşmege yardım etmektir. Çernihiv VAMde bu aqqında haber berdiler.

“Sağlıq tüzetüvi”ne köre er bir iştirakçiler gruppasınen beş kere körüşmek kerek. Olar arasında raatlamağa, ruhiy-duyğulı raatlamağa ve ailenen subetini yañıdan qurmağa yardım etecek çeşit-türlü dersler bar.

Leyhada mütehassıslar, şu cümleden, ruhiyatçılar, içtimaiy işçiler, uquqçılar ve göñülliler taqımı çalışa.

Mobilizatsiyadan qaytqan cenk veteranlarınıñ balalarınen dört ailesi leyhanıñ mütehassıslar taqımınen endi tanış oldı. Birazdan leyhağa daa altı aile celp etilecek.

Leyhada iştirak etmege istegen veteranlar aileleri, vilâyetteki cenk veteranları merkeziniñ sıcaq hattına hitap ete bileler: (073) 005-07-50.