Uquq qorçalayıcı teşkilâtlar muracaat eteler ki, rusiye Mokranı (belarus) – Domanove (Ukraina) gumanitar koridorı vastasınen Ukrainağa qaytmağa istegen ukrain pasportlarınen vatandaşlarımıznı rus-belarus sıñırını kermege izin bermey.

Bu vaziyette yardım etmek maqsadınen uquq qorçalayıcılar Halqara Qırmızı Haç Eyyetiniñ (HQHE) acele seyaat vesiqasını qullanmağa teklif eteler. O, Ukraina vatandaşlarınıñ Ükümetniñ kontrol etkeni topraqlarğa qaytmasına yardım etmeli.

Bu teşebbüs, vitse baş nazir İrına Vereşçuknıñ başlığınen mahsus oturışnıñ kün mevzusı oldı. Anda ReNazirligi, Devlet sıñır hızmeti, TİN, İİN ve UTHniñ vekilleri iştirak ettiler.

İştirakçiler mezkür teklifni rey irliginen destek ettiler, çünki bu tür vesiqanıñ qullanılması, ukrainalılarnıñ rusiye ve belarus sıñırını keçmeleri içün imkân yaratacaqtır.

“Bizim vatandaşlarımıznıñ Vatanına qaytamaq imkânı olması içün er şey yapmalımız. HQHEniñ acele seyaat vesiqasınıñ qullanılması, bunıñ içün daa bir alet olacaqtır”, – dep İrına Vereşçuk qayd etti.

Qoşma malümat. HQHEniñ acele seyaatnamesi, pasportqa ya da başqa vesiqağa saip olmağan insanlarğa berle. Onıñ uquqiy sebebi, HQHEniñ tanığanı universal gumanitar teşebbüs aqqıdır. Seyaatname, tek bir yerge ketmek içün qullanıla bile.