Bu leyha deyerli bir ay devam ete. Bu vaqıt devamında içtimaiy hızmetler bergen 5 taqım teşkil etildi ve olarnıñ çalışqanı bölükler tesbit etildi. Şu anda 250 asker ve aileleriniñ azalarınen çalışalaar.

Olar içün bu mütehassıslar, tınç yaşağan ayatnen bağlantıdır. Olar içtimaiy meselelerni çezmege yardımcı olalar, yolbaşlçılıq eteler ve öz topraq cemiyetinde keyfiyetli içtimaiy destek almaları içün tevsiye eteler ve ilâhre.

Şu anda hızmet etüv mehanizminiñ azamiy şekilde mükemmelleşmesi içün çoq taraflı meselelerni çezeler. Bunı yapmaq içün ihtiyaclarnı qadir etmke, arbiy qısımlar ve cemaatnen semereli kommunikatsiya qurmaq kerek. 

Leyha yerine ketirmek içün keçken afta vilâyet arbiy memuriyetlerinen kelecek adımlarnı muzakere ettiler. Qara qış ayında cemaattan maqbul vekillernen körüşüb keçirecekler.

Anda hızmet berüv, malümatnen paylaşuv mehanizmi ve bu işniñ muvafaqiyetli devamı içün mümkün olacaq tüm aletlerni muzakere etecekler.