Keçken sene “İrişilir kreditler 5-7-9%” devlet programması çerçivesinde iş insanları, umumen 97,2 milliard grivnağa 23 973 kredit aldılar. Maliye nazirligi bu aqqında haber berdi.

Qayd etemiz ki, 2020 senesi kiçik ayndan bu ükümet programması çalışa. O vaqıttan berli vekâletli banklar umumen 266,9 milliard grivnağa 78 964 kredit berdi. Cenk vaziyeti devrinde ise umumen 177,2 milliard grivnağa 44 142 kredit añlaşması imzalandı. Olar arasında:

• 12,38 milliard grivna – yatırım maqsatlarına;
• 8,88 milliard grivna – buhranğa qarşı kreditler olaraq;
• 3,73 milliard grivna – evelden alınğan kreditlerge yañıdan para ayıruvı;
• 36,31 milliard grivna – köy hacalığı istisalcıları içün kreditler;
• 58,23 milliard grivna – cenkke qarşı maqsatlarğa.

Şu anda irişilir kreditler programmasında 45 bank iştirak ete. Bağlantığa basıp, programmada iştirak şartları ve vekâletli banklar cedvelinen tanış olmaq mümkün

Hatırlatamız ki, ReNazirliginiñ teşebbüsinen 2023 senesi saban ayında “İrişilir kreditler 5-7-9%” devlet programması, mümkün olacaq arbiy areketler ve işğalden azat etilgen topraqlardan iş insanları içün çalışmağa başladı.