ReNazirliginiñ uzurındaki Milliy malümat bürosı (MMB), Ukrainanıñ vaqtınca işğal etilgen topraqlarında habersiz ğayıp olğan kişiler ve esir etilgen askerler aqqında malümat toplay. Bundan başqa, MMB rfnıñ Ukrainağa qarşı silâlı tecavuzı sebebinden sürgün etilgen ya da zoraki ketirilgen balalar ve insanlar aqqında bilgilerni ala.

Böylece, 2023 senesi devamında:

• MMBnıñ sıcaq hattınıñ operatorları 126,8 biñ telefon hitabını aldılar;;
• [email protected] elektron poçtasına ve poçta alâqası vastasınen tahminen 69,7 biñ hitap yollandı;
• büronıñ çat-botları, MMBnıñ saytındaki online forma vastasınen 63,4 biñ hitap yollandı.

Çoqusı allarda vatandaşlar aşağıdaki mevzularda meselelernen MMBa hitap ettiler:

• habersiz ğayıp olğan kişilernen bağlı ariza berüvi;
• MMBnıñ sicillerindeki bilgilerni tafsitâlıca ögrenüvi;
• askerlerniñ esirlikte bulunmasınen bağlı şeadetname alma talapları;
• esir etilgenlerge mektup yazma qaideleri.

Hatırlatamız ki, şu telefon nomeraları vastasınen Milliy malümat bürosınıñ sıcaq hattına telefon etmek mümkün: 16-48 ve +38 (044) 287-81-65 (ecnebiy ülkelerdekiler içün).

Mezkür alâqa kanallarından ğayrı, MMBa Facebook saifesindeki messenger, Telegram ve Viberdeki çat-botlar vastasınen malümat bermek mümkün.