Vitse baş nazir İrına Vereşçuknıñ başlığınen Cenk vaziyeti şartlarında bala aqlarını qorçalav meseleleri idare ştabınıñ oturışında bunı qayd ettiler.

İştirakçiler, şu anda Avropada, ayrıca İtaliyada, bulunğan ukrain balalarınıñ aqlarını qorçalav meseleleri muzakere ettiler.

Şu cümleden, bazı allarda telükesizlik maqsadınen ecnebiy ülkelerge ketken statuslı balalarğa hata olaraq yerli qanunlarnıñ qaidelerini qullanmağa istediler. Bu, Ukraina vatandaşı olaraq balanıñ menfaatına qarşı olğan neticelerni yarata bilir. Misal içün, ukrain qanunlarına qarşı balanı ecnebiyler ailesine vasiylik etmek.

Bundan ğayrı, Ukrainadan vaqtınca mesken qıdırğanlarğa 1996 senesi Uquqçılıq, uquq, işdeşlik ve balalarnı qorçalav cevapkârlığı aqqında şartnameniñ 6. maddesini qullanalar.

Oña mücibi tuvğan ülkedeki cemaat felâketleri neticesinde başqa ülkege köçken balalarğa qaçaq statusını bereler.

Kerçekten de bu demek ki, olar içün Ukraina, telüke sebebidir. Faqat kerçekten de, rusiyeniñ silâlı tecavuzı sebebinden ukrain balaları ecnebiy ülkelerge kettiler ve ketmege devam eteler. Aynı zamanda olarnıñ maqsadı, vaziyet telükesiz olacaq soñ qaytmaqtır.

Bunıñ içün olarğa Ukrainanıñ uquqçılıq qaideleri qullanılmalı. Ukrain makeme ve memuriy organlarınıñ bu tür balalarnı ve mülküni qorçalamağa yönelgen tedbirlerni keçire bilmesi içün.

“Halqara seviyede, ukrain balalarınıñ qaçaqlar olmağanlarını añlatmalımız. Bizim vazifemiz, olarnıñ aqlarını qorçalamaqtır. Ve bunı yapmaq içün mümkün olğan er şey yapamız”, – dep vitse baş nazir qayd etti.