Bu sene Jıtorımğa köçken devlet içinde alınğan kişiler içün çoq daireli mesken kompleksini quralar. Jıtomır şeer şurasınıñ matbuat hızmeti bu aqqında haber berdi.

Avropa Birleşmesiniñ parasınen ve Şimaliy ekologik maliyeviy korporatsiyanıñ (NEFCO) idaresi astında yerine ketirilgen “DAK içün mesken ve Ukrainada azat etilgen şeerlerni yañıdan quruv” programması çerçivesinde dört çoq qatlı (116şer daire) ev qurulacaq.

Eñ az 400 devlet içimde alınğan kişi bedava daire alacaq.

Leyhağa köre dört 4-qatlı ev qurulacaq, kerekli müendis ağları bağlanacaq ve etraftaki boşluq adadan etilecek. Evlerniñ birinde sığınaq olacaq, kerekli olsa anda sakinler saqlana bilirler.

Daireler, bir ve eki odalıdır. Bundan ğayrı, odalar tamir etilecek, mefşurat ve maişiy tehnikanen abadan etilecek. Aynı zamanda birinci qattaki daireler, az mobil olğan insanlarğa uyğun olacaq.

Sakinler içün maşna yerleri, bala meydançığı ve maalle içinde raatlıq zonaları adaban etilecek.