Bugünden Harkiv vilâyetiniñ 80 meskün yeriniñ sakinleri, ihtiyac duyğanları ilâçlarnı ala bileler. Şu cümleden, “İrişilir ilâçlar” devlet programması çerçivesinde de ilâçlarnı ala bileler, dep Sağlıq nazirligi haber berdi.

Mobil aphanelernen bağlı leyhanıñ maqsadı, köylerde ilâçlarğa irişim meselesini al etmektir. Olar, mahsus abadanlaştırılğan naqliyat şeklinde çalışacaqlar.

Maşnada “Mobil aphane noqtası” ve maqul izin vesiqalarına saip olğan aphane ağı ya da başqa subyektke ait olması aqqında malümat yazılacaq.

Marşrut, aile ekimleriniñ tesbit etecekleri insanlarnıñ ihtiyaclarına köre yapılacaq. Elbette, bölgedeki telükesizlik vaziyeti de esapqa alınacaqtır.

Aile ekimi ya da yerli akimiyetten bölye aphaneniñ yolu ve çalışma saatlerinen bağlı malümat almaq mümkün olacaq.