Şu anda Leonovlar Pereyaslav şeerinde yaşaylar. Anda yañı biznes açtılar. Genç eşlerniñ tükânınıñ dolapları çay, tatlılar, baharatnen toludır. Valentına ve Dmıtro Leonov öz işine aşıqlar. Añlatalar ki, para içün degil, ruh keyfi içün tikânçıq açtılar. Tükân resmen açılmadan evel birinci satın alıcıları keldiler.

Valentına ve Dmıtro Herson vilâyetindeki Oleşkıdan Kıyiv vilâyetine köçtiler. Tolu miqyaslı tecavuz sebebinden anda inkişaf ettigenleri iş qapatmağa mecbur oldılar. Aynı zamanda Valentına qızınen ağır ayaqlı edi ve oğluna baqa edi.

İşğalniñ bir qaç ayından soñ balalar biraz ösip, eşler Pereyaslavğa köçmege qarar berdiler. Aytalar ki, yerliler olarnı pek musafirçen qabul ettiler, bunıñ içün yañı yerge tezce alıştılar.

Şu anda aile öz işini inkişaf etmege, muvafaqiyetler ve bala külküsine quvanmağa devam ete.