Bulğaristanda ukrainalılar içün 2025 senesi saban ayınıñ 4-üne qadar vaqtınca qorçalav statusınıñ müddetini uzatıldı, dep Bulğaristandaki Ukraina Elçiliginiñ Facebook saifesinde bu aqqında haber berdiler.

Bu sene qara qış ayınıñ 25-inde Bulğaristan Cumhuriyeti Nazirler Şurası, maqbul qarar berdi.

Qararnıñ kenişlengen vesiqası bar. O, 2022 senesi kiçik aynıñ 24-ünden evel Ukrainada qanuniy şekilde yaşağan ve ülkemizde yaşayış vesiqasına saip olğan, amma vatandaşlıqqa saip olmağan ve başqa ülkelerniñ vatandaşları olğan insanlarğa bağlıdır.

Böyle insanlar ülkege ya da bölgege telükesiz şartlarğa qaytalmasalar, Ukraina vatandaşları ve aileleriniñ azaları kibi aynı şekilde vaqtınca qorçalav statusını ala bileler.

Aynı zamanda Bulğaristan Devlet qaçaqlar agentligi, Bulğaristanda bu statusnı qullanğan ukrainalılarnıñ vaqtınca qorçalav kartlarınıñ müddetini uzata bilecekleri yerler ve tahirlarnı bildirecek.