ABniñ azası olğan tüm 27 ülke Ukrainağa 50 milliard yevrolıq maliyeviy yardım ayırmağa razı oldı.

Avropa şurasınıñ Prezidenti Şarl Mişel öz X saifesinde bu aqqında haber berdi.

O qayd etti ki, Ukraina içün bu muntazam, uzun devmalı ve evelden belli olacaq maliyeviy yardım temin etecektir.

Öz Telegram kanalında baş nazir Denıs Şmığal añlattı ki, Ukraina içün Ukraine Facility yanı maliyeviy alet çerçivesinde para ayırılıacaq. Bu, umumen 50 million yevrolıq dört seneli programmadır.

Bu paranıñ büyük qısmı, devlet bücetine yollanacaq ve bücet kemligini azlaştırmağa yardım etecek.

Programmanıñ başqa qısmına köre, prioritetli bölüklerde telükelerge para ayırmaq içün mahsus yatırım aleti yaratılacaq. O, yatırımlarğa para almağa imkân yaratacaq.