Aftalıq vitse baş nazir İrına Vereşçuknıñ başlaığınen veteran siyaseti meseleleri oturışında “İmkânlar Boşluğı” CTnıñ teşebbüsini taqdim ettiler.

Onıñ emiyeti şundadır ki, eñ uzaq cemaatta yaşağan veteranlar ve aileleri keyfiyetli ve ihtisasiy hızmetler almalılar. Vesiqalar aluv, imtiyazlar ve içtimaiy kefaletler aluv, uquqiy mesleatlar, ruhiy ve içtimaiy destek ve ilâhre aqqında laf etemiz.

Bunı yapmaq içün Veteran boşluqları birleşmesiniñ uzurında mahsus mobil taqımlar teşkil etildi.

Birinciden, bu tür hızmetlerni rayon merkezi, qasaba ve köy seviyelerinde berüv aqqında laf etemiz. Böyle taqımlarda uquqçılar, ruhiyatçılar ve vaqia idarecileri bar.

İlk qış ayınıñ ortasından başlap Mıkolayiv, Odesa, Lviv, Vinnıtsâ ve Hmelnıtskıy vilâyetlerinde böyle mobil taqımlar veteranlarnı ve ailelerini endi destek eteler.

Bu ceraynda ukrain biznesi devletke yardım ete. “Ukrnafta” şirketi, mezkür mobil taqımlar içün mahsus maşnalarnı alıp berdi, dep şirketniñ reberi Serhiy Koretskıy haber berdi.

Yaqın kelecekte böyle mobil taqımlar Sumı, Çernihiv ve Rivne vilâyetlerinde çalışmağa başlaycaqtır.

“Bu tür leyhalarnı tüşünip çıqarğan ve yerine ketirgen er keske teşekkür bildirmege isteyim. Veteranlar içün o qadar müim teşebbüslerni maliyeviy destek etkenlerge de teşekkür bildirem”, — dep vitse baş nazir hulâsa çıqardı.