#Qarşılıqnıñ10.seneligi malümat kampaniyası çerçivesinde Ukraina Prezidentiniñ Qırım MCdeki Temsilinen beraber Ukrainanıñ vaqtınca işğal etilgen topraqlarınıñ reintegratsiya meseleleri nazirligi, Ukraina Mudafaa quvetlerinde hızmet etken ve silâ alıp, rus tecvuzına qarşılıq köstergen Ukraina vatandaşlarınıñ ikâyelerini yayınlamağa devam ete.

2023 senesi Mariya (“Sakura”) USQe göñülli olaraq ketti. Şu anda o, Herson vilâyetinde topraq mudafaasınıñ 121. ayrı taqımınıñ uçaq istihbaratında (121 OBrTrO) hızmet ete.

Mariya Kefe doğdı ve büyüdi. Ruslar silâ alıp, Qırımnı zapt etip, ukrain topraqlarına kelgen ve cenk başlağan vaqıt yaşlarnen qız numayışlarğa kete ve inana edi ki, dünyada böyle bir aqsızlıq olmaz. Mariya, Qırımnıñ işğalini özüne çağıruv olaraq tanıdı ve bu vaqialarğa tek areket qarşılıq ola bile edi.

Uzun zamandır rus işğali astında yaşağan qız evlenip, bala doğurdı, qızını alıp Qırımdan Kıyivge (anası Kıyivde çalışa edi) köçmege bir qaç kere tırıştı, amma qarşılağanı zorluqlar sebebinden qaytıp kete edi. Mariya, qartanası ve qartbabasını qaldırıp ketemey edi.

Qırımda da zor edi. Mariyanıñ anası Kıyivde ukrain teleyayınında rejissör olıp çalışa edi. İşğalciler bunı bile ediler, bunıñ içün qadınnıñ meseleleri bar edi.

Tek 2020 senesi qartanası ve qartbabası (onı Qırımnen bağlağan soñ yaqınları) vefat etken soñ Mariya qızını alıp, yarımadanı terk etmege becerdi.

Rusiyeniñ Ukrainağa tolu miqyaslı tecavuzı vaqtında Mariya ecnebiy ülkede çalışa edi. Ukrainağa qaytıp, Donetsk vilâyetine ilk kere ketti. Bundan soñ ekinci kere etti. Ve o zaman 2023 senesi baarde qadın orduğa qatılmağa qarar berdi.

Mariyanıñ orduğa yolu uzun edi, amma soñunda maqsadına irişti.

Bugün Mariya, qızı Alisanıñ serbest ülkede yaşaması içün cenkleşe. Anasınen ğururlanması ve ukrain Qırımına qaytması içün de.