Cenk şartlarında agrar biznes meseleleri oturışında vitse baş nazir İrına Vereşçuk bunı qayd etti.

Şu cümleden, aktvileri VİETda qalğan agrarcılarnıñ bank kreditleri meselesini muzakere ettiler. “Ukraina Agrar birligi” Cemaat birleşmesi ReNazirligine maqbul hitap yolladı.

Oturışnıñ iştirakçileri diqqat şuna celp ettiler: VİETdan agrarcılar biznes al etmek içün benk kreditleri hızmetini qullanğan edilet. Faqat arbiy areketler sebebinden öz aktivlerini, biznesi ve kredit ödemek qabiliyetini coydılar.

Bunıñ içün bu agrarcılar, aktivleri yerleşken topraqlar vaqtınca işğal devrinde olardan kredit parasını ödememege banklarnı rica eteler.

Bunıñ içün olar, devletniñ adımına pek ihtiyac duyalar. Çünki cenkten soñ devirde işğalden azat etilecek topraqlarda agrar biznesni muvafaqiyetnen yañıdan başlatmaq içün bu mesele, qanunlar seviyesinde de al etmek kerek.

Oturışnıñ neticelerine köre, mezkü mesele al etmek içün maqbul müessiselerge tekliflerni azırlamağa avale ettiler. Yaqın kelecekte olarnı baqacaqlar ve talil etecekler. Bundan ğayrı, bu ceryanğa Agrar siyaset nazirligi ve Milliy bank qatılacaqlar.

“Vaqtınca işğal etilgen topraqlarda biznesniñ, bizim ayrı mahsus diqqatımızğa ihtiyacı bar. Olarnıñ aktivleri topraqlarğa bağlıdır, bunıñ içün yazıq ki, olar öz biznesini daa telükesiz bölgelerge alıp ketemeyler. Olarnı destek etmelimiz, çünki bu, milliy iqtisadiytanıñ esas qısımlarından biridir”, – dep vitse baş nazir qayd etti.