Keçken ay devlet bücetinden içtimaiy ödemelerge 36,92 milliard grivna ayırıldı. Ükümet portalı bu aqqında haber berdi.

Eñ büyük miqdarı — 20,9 milliard grivna — pensiya, mukâfatlarnı ödemek içün ayırıldı.

Zor yaşayış vaziyetlerinde bulunğan vatandaşlarnı içtimaiy qorçalamaq içün 8,5 milliard grivna ayırıldı. Şu cümleden, saqatlı insanlarğa ve DAKge (yaşayış yardımı) ödemelerge para ayırıldı.

Az kelir alğan ailelerni destek etmek içün 1 milliard grivna, imtiyazlar ve mesken subsidiyalarına 4,7 milliard grivna, balalarnı ve ailelerini içtimaiy qorçalamaq (balla doğğanda ya da bala vasiy etilgende yardım) içün 1,8 milliard grivna, saqatlı insanlarnı içtimaiy qorçalamaq içün 20 million grivna ayırıldı.

Bu sene ealini içtimaiy destek etmek içün ayırılğan para, telükesizlik ve mudafaa saasına ayırılğan paradan soñ bücetten eñ büyük miqdardır.