ReNazirliginiñ yardımınen keçirilgen “26-2-14: Cenk Qırımda başlandı” forumı vaqtında vitse baş nazir İrına Vereşçuk bunı qayd etti.

Vitse baş nazirniñ sözlerine köre bütün añlaşmalar, ukrain sıñırlarınıñ havfsızlığına inandıruvlar, sağlam aqıl-fikirlerge baqmadan 10 sene evel rusiye, ukrain Qırımına tecavuz etmege ve onı işağl etmege qarar berdi.

“Qırımda rusiye, dünyağa silâ telükesini ketirmez ve demokratik, mustaqil avropa ülkelerine özek silâsını közletmez. İşğalciler Qara ve Azaq deñizlerinde üküm etmezler. Ve biz bunı endi isbatlaymız”, – dep memur qayd etti.

Bundan ğayrı, yardımı içün İrına Vereşçuk halqara ortaqlarına teşekkür bildirdi. Şu cümleden, Büyük Britaniyanıñ destegini ayrıca qayd etti.

“Ortaqlarımıznen beraber ğalebemiz sebatlı olacaq”, – dep qayd etti o.

Bundan ğayrı, vitse baş nazir, cesareti ve ukrain Qırımını rus işğalinden azat etmek maqsadınen yapqanları ve yapacaqları şeyler içün askerlerge ürmet bildirdi.

“Bizim itibarımız, namusımız bar, sözümizni tutamız ve ücüm etemiz. Bütün dünyağa isbatladıq ve rusiyege isbatlaycaqmız. Qırım – Ukrainadır. Böylece edi ve olacaq”, – dep İrına Vereşçuk hulâsa çıqardı.