ReNazirligi, Qırımda duşman işğaline qarşılıq köstergen Ukraina vatandaşlarınıñ ikâyelerini yayınlamağa devam ete.

2022 senesi saban ayında “rus ordusını itibardan tüşürüv” sebebinden Oleksandr Tarapon tevqif etildi. Oleksandrnıñ vaqiası, işğal etilgen Qırımda qanunsız olaraq cinaiy taqip olunğan ve “rusiye ordusını itibardan tüşürüv”nen bağlı davada maküm etilgen ilk insanlardan biridir.

Oleksandr Tarapon faalci ve Aluştanıñ sakinidir. 2014 senesi Rusiye Qırımnı işğal etken soñ apayı ve küçük qızınen yarımadada qaldı. Sahte referendumnı destek etmedi ve rus teşviqatına qarşılıq kösterdi.

Tolu miqyaslı tecavuz başlağan soñ Oleksandr, işğalcilerge qarşı öz nazar noqtasını faalca bildire, şeerde cenkke qarşı kâğıtlarnı tarqata ve Ukrainağa ücümni Ekinci cian cenki devrinde hitlercilerge beñzete edi. Tolu miqyaslı tecavuz başlağan soñ onıñ apayı Adel, arbiy areketler zonasında bulunğan ukrainalılarğa ruhiy yardım ete edi.

2022 senesi orta küz ayınıñ 21-inde “makeme” Oleksandrnı sanki rus ordusı aqqında sahte haberlerni tarqatqanı sebebinden qabaatlı tanıdı ve 2,5 senege maküm etti. İşğalciler tamam “makeme” zalında onı tevqif ettiler.

2022 senesi ilk qış ayınıñ soñundan adamnı qanunsız olaraq rusiyege etap ettiler. 2023 senesi yaz başında Oleksandr Tarapon rusiyeniñ Stavropolskıy krayındaki 3. müstemlekede buluna edi.

“Menim halqım, menim memleketim, menim ailem azap çekkende susmaq ve areket etmemek mümkün degil edi”, – işğal etilgen Qırımda qarşılıqnıñ devam etkeni şiddetli isbat olğan Oleksandrnıñ sözleri!