Slovakiyada ukraina sığınaqçılarına 2025 senesi sabannıñ 4-üne qadar  vaqtınca qorçalav statusınıñ müddeti uzatıldı. Devlet ükümeti böyle bir qarar aldı.

Avropa Birliginiñ Şurasınıñ emrini yerine ketirmek içün qarar berildi. Oña binaen Ukraina vatandaşları içün vaqtınca qorçalav statusı 2025 senesi sabannıñ 4-üne qadar uzatıldı.

Vaqtınca qorçalav statusı, köçip kelgen insanlarğa Slovakiyada çalışmağa, orta ve aliy tasil almağa, tibbiy yardım ve mesken almağa, em de kerek olsa maddiy yardım almağa aqqını bere.

Bağlantığa basıp, yaşayış ruhsetini bergen vesiqanı Slovakiya Cumhuriyeti İçki işler nazirliginiñ elektron hızmetleri vastasınen yañartmaq mümkün.