ReNazirligi, Qırımda duşman işğaline muqavemet köstergen Ukraina vatandaşlarınıñ ikâyelerini yayınlamağa devam ete.

1986 senesi Özbekistanda Server Mustafaev doğdı. Birazdan ailesi Qırımğa, Bağçasaray şeerine qaytıp keldi. Anda Server mektep bitirip, Milliy agrar universitetniñ Bağçasaray qurucılıq tehnikumına kirdi.

Bundan sıñ Kıyiv milliy universitette “Sıcaq gaz teminatı ve avalandıruv” ihtisasını alğan soñ alâqa salonlarında çalışa edi.

2014 senesi Furunhane ağını yolbaşçılıq yapmağa başladı. Bağçasarayda faalca içtimaiy areket etti de: bala bayramları, içtimaiy tednirlerni teşkil ete, az para qazanğan ailelerge yardım ete edi.

Server içtimaiy jurnalist ve “Qırım birdemligi”niñ idarecilerinden biri edi. İşğal etilgen Qırımdaki vaziyetni muntazam tarzda nezaret ete ve siyasiy sebepli “makeme ceryanları”nı medialarda aydınlata edi.

2018 senesi mayıs ayında işğalciler Mustafaevniñ evini tintip, faalcini tutıp qapattılar. Birazdan işğal akimiyeti onı “terror teşkilâtınıñ faaliyeti”nde iştirak etkeni ve “akimiyetni zoraki zapt etkeni” sebebinden 14 senege qanunsız olaraq maküm etti.

Kerçekten de işğalciler Server Mustafaevni, siyasiy taqiplerniñ fedalarını qorçalağanı ve işğal etilgen Qırımda insan aqları bozmalarını aydınlatqanı sebebinden maküm ettiler.

Sert şartlarğa baqmadan bugüngece Server faalci olıp çalışa ve uquq qorçalayıcı faaliyetnen oğraşa: kamdera qomşusı olğan özbek aslı adamğa balasını qaytarmağa yardım ete. O apishanege oturup, balasını alıp çıqardılar.

Muqavemet devam ete!