Cenk vaziyeti şartlarında ealiniñ zoraki tahliyesini keçirüv meseleleri idare ştabı, Harkiv VAMniñ Kupyansk rayonınıñ ayrı meskün yerlerinden 161 balanıñ zoraki tahliyesi aqqında qararını destek etti.

Balalar, ana-babalarınen ya da başqa qanuniy temsilcilerinen telükesiz yerlerge tahliye etilecek. Olarğa bedava mesken, maliyeviy ve gumanitar yardım, ruhiy destek berilecek.

Hatırlatamız ki, tahliye bedavadır. ​​Evelden yazılmaq içün Harkiv VAMniñ tahliye meseleleri sıcaq hattına telefon etmek kerek: 0 800 339 291.

Bundan ğayrı, tahliye istegiñizni ReNazirliginiñ sıcaq hattına bildirmek mümkün: 15-48. WhatsApp/Telegram/Viber qullanımları vastasınen de beyanat yazıp yollaya bilirsiñiz: (096) 078-84-33.