Bugün Ükümet, “Ukrainağa qarşı silâlı tecavuz neticesinde şahsiy serbestlikten marum etilgen olaraq tanınğan insanlar azat etilecek soñ tüzetici (izolâtsiyadan soñki, reintegratsiya tedbirleri, adaptatsiya ve destek tedbirlerini keçirüv yol-yoruğını tasdıqlav aqqında” qararını tasdıqladı. ReNazirligi, maqbul aktnıñ leyhasını azırladı.

Vesiqağa köre, Mudafaa nazirligi, İİN, UHH (razı olsa), Devlet qaravulı idaresi (razı olsa) ve Tış istihbaratı hızmeti (razı olsa) esirlikten azat etilgen Ukraina mudafaacılarınıñ reintegratsiy tedbirleri ve izolâtsiyadan soñki ozğaruvını mıtlaqa yapalar. Sağlıq nazirligi, İçtimaiy siyaset nazirligi, İİN, UHH (razı olsa) esirlikten azat etilgen ve razı olğan tınç yaşağan vatandaşlarğa dair bu tedbirlerni keçirmeliler.

Bundan ğayrı, vesiqağa köre:

• mezkür insanlarnı içtimaiy qorçalamağa temin etüvnen bağlı ilk tedbirler mehanizmini mükemmelleştirmek ve tertipke ketirmek;
• mezkür insanlarğa tibbiy, reabilitatsiya ve ruhiy yardım etüv tedbirleriniñ cedvelini yaratmaq;
• esirlikten azat etilgen insanlarğa tibbiy, reabilitatsiya ve ruhiy yardım etmege temin etken reintegratsiya merkezilerine talaplarnı qayd etmek kerek.

Bu qarar, esirlikten azat etilgen insanlar ve ailelerini içtimaiy ve uquqiy şekilde qorçalamağa temin etüvnen bağlı devlet siyasietini yerine ketirmege yardım etecek.