2022 senesi bozarğan aydan berli ReNazirliginiñ 1548 sıcaq hattı, ukrainalılarnıñ eñ az 850 biñ hitabını aldı.

 

Çoqusı allarda vatandaşlar, arbiy areketler rayonlarından tahliye, DAK içün acele yardım, para ödemeleri ve gumanitar yardımnen bağlı suallerden hitap ettiler.

 

Vaqtınca işğal etilgen topraqlardan çıqmağa isegen ukrainalılar da 1548ge hitap ettiler.

 

Sıcaq hatnıñ operatorıları, tek vastasız ReNazirligine hitaplarnı yazıp qoymadılar, olarnı işlep, başqa akimiyet organları ve gumanitar teşkilâtlarğa yollay edi.

 

Keçenlerde 1548 operatorları, USAIDden kurslarnı alıp bitirdiler. Bundna ğayrı, bu teşkilât, 27/7 muntazam çalışması içün call merkezini tehnika cihazlarının temin etti.

 

Şu anda 24 saat işlegen sıcaq hatta 36 operator çalışa. Bir künde er bir operator tahminen 150 hitap ala.

 

Vitse baş nazir İrına Vereçuk, 1548 sıcaq hattınıñ müimligini qayd etti.

 

«Tamam tolu miqyaslı tecavuznıñ başlanğıcından 1548 sıcaq hattı, buhran gumanitar qarşılığınıñ müim aleti oldı. Vastasız alâqa, gumanitar ihtiyaclarğa daa semereli ve tez qarşılıq köstermege imkân bere. Bu, insanlarğa meselelerinen bir özü olmağanlarını ögrenmege yardım ete», – dep vitse baş nazir qayd etti.

 

Sıcaq hatnıñ operatorlarınıñ yardımına ihtiyac duyasıñızmı? 1548 telefon etiñiz ya da WhatsApp/Telegram/Viber messencerlerine (096) 078-84-33 nomerağa beyanat yazıp yollañız.

 

ReNazirliginiñ sıcaq hattınıñ nasıl çalışqanını videoda körmek mümkün.