Soñ bilgilerge köre, işğalden azat etilecek topraqlarda çalışmaq maqsadınen 2423 insan, devlet hızmetleriniñ hadimleriniñ yedegine qatılmaq içün anketa toldurıp yolladı.

Devlet hızmeti meseleleri milliy agentliginiñ (DHMA) Facebook saidfesinde bu aqqında haber berdiler.

Şu cümleden, erkekler 1380 anketanı (57%), qadınlar ise 1043 anketanı (43%) yolladı. Namzetler kelecekte Qırım, Donetsk ve Zaporijjâ vilâyetlerinde çalışmağa isteyler.

Teklif etilgen iş yönelişleri arasında memuriy reberlik, devlet nezareti ve kontrolı, memuriyetçilik ve halq ögündeki hızmetler, qabarcılıqnı evelden yoq etüv, hadimler idareceligi kibi saalar eñ rağbetlidir.

Böylece, yollanğan anketalarnıñ umumiy sayısından 91,5%-i olğan 2217 vatandaş yedekke qatıldı.

İşğalden azat etilecek topraqlarnı yañıdan qurmağa qatılmağa isteseñiz, kerekli tasilge saip olsañız, bağlantığa basıp, sistemada qayd etiñiz ve anketa toldurıñız.

ReNazirligi ve DHMA, leyhanıñ idarecileridir.