Herson vilâyetiniñ vaqtınca işğal etilgen topraqlarından 5, 11 ve 14 yaşındaki oğlanlar qaytarıldı. Herson VAMniñ başı Oleksandr Prokudin öz Telegram kanalında bu aqqında haber berdi.

Save Ukraine hayriye teşkilâtınıñ yardımınen balalar qaytarıldı.

Şu anda aileler telükesiz bir yerde bulunalar ve yardım alalar. Olarnı reabilitatsiya ve ruhiyatçınen iş bekley.

Umumen 2024 senesinden berli Herson vilâyetinden Ukraina Ükümetiniñ kontrol etkeni topraqlarğa 47 bala muvafaqiyetnen qaytarıldı.