İş çerçivesinde Milliy malümat bürosınıñ reberi Oleh Kujelyev ve Ukrainadaki Halqara Qırmızı Haç Eyyetiniñ vekili Valentına Zozulâ körüştiler.

Körüşüv vaqtında olar, rusiyege ve Ukrainanıñ vaqtınca işğal etilgen topraqlarına zoraki alıp ketirilgen ya da sürgün etilgen balalarnen bağlı meselelerni muzakere ettiler.

Bundan ğayrı, taraflar Halqara Qırmızı Haç eyyetiniñ Merkeziy qıdıruv agentliginiñ bergeni esirlikte bulunğan Ukraina vatandaşlarınıñ cedvelinen çalışma mehanizmleri aqqında laf ettiler.

Körüşüv neticesinde kelecekte işdeşlik yapmağa añlaştılar.

Hatırlatamız ki, 1949 senesi Jenevre şatnamesi ve Ukraina Nazirler Kabinetiniñ 2023 senesi çiçek ayınıñ 18-indeki 339. qararına binaen Milliy malümat bürosı Halqara Qırmızı Haç eyyetinen malümatnen paylaşa.