Baş nazir Denıs Şmığalnıñ emrine köre 2026 senesine qadar Strategiyanıñ leyhası ve onı yerine ketirmek içün tedbirlerniñ operativ planı azırlandı.

Olarnı azırlamaq içün menfaatlı devlet organları ve cemaatnıñ vekillerinen beraber ReNazirligi iş gruppasını teşkil etti. Şu cümleden, onıñ terkibine Prezidentniñ Ofisi, Prezidentniñ Qırım Muhtar Cumhuriyetindeki Temsili ve ZMINA İnsan aqlarınıñ merkeziniñ vekilleri kirdiler.

Vitse baş nazir İrına Vereşçuknıñ başlığınen mahsus oturışta mezkür leyha ve plan taqim etildi.

Strategiya, aşağıdaki mezvulardan devlet siyasetiniñ esas printsipleri ve yönelişlerini qayd etken kompleksli vesiqadır:

– devlet akimiyeti ve yerli öz-özüni idare etüv organlarınıñ areketleriniñ sinhronlaştırıluvı ve işğalden azat etilecek topraqlarda (İAET) olarnıñ faaliyetini qaytaruv;

– İAE topraqlar ve ealisiniñ Ukrainanıñ uqquiy, memuriy, içtimaiy, medeniy, malümat, tasil boşluqlarına tolu reintegratsiyası içün şartlartnı yaratuv;

– insan ve vatandaşnıñ aqları ve azatlarını qaytaruv;

– azat etilecek topraqlarnıñ ealisine telükesizlik kefaletlerini yaratuv;

– cemaatnıñ yaşayışınıñ bütün saalarında Ukrainanıñ topraqlarınıñ vaqtınca işğaliniñ neticelerini yoq etüv.

Strategiyanıñ yerine ketirüviniñ neticesi, bu topraqlarnıñ ealisi içün vaqtınca işğalniñ neticeleri, devamı ve şartlarını esapqa alıp İAEtnıñ reintegratsiyasına dair tolu devlet siyasetiniñ qurulması olacaq.

Şu anda vesiqa, icra akimiyetiniñ merkeziy organlarınıñ tasdıqlayıcı basamağındadır.

“Endi bugün devlet, işğalden azat etilecek topraqlarnıñ tolu reintegratsiyasına azırlanmalı. Bunıñ içün bu strategiyanıñ azırlanmasına qatılğan cemaat ve menfaatlı organlarğa açıq göñlümden teşekkür bildirem”, – dep vitse baş nazir qayd etti.