Ukrainanıñ vaqtınca işğal etilgen topraqlarınıñ reintegratsiya meseleleri nazirligi, mobil alâqa operatorlarınen beraber ealige mina telükesizligi malümat berme kampaniyasını devam ete.

Malümat kampaniyası, auditoriyanı kenişletmek ve Ukrainada daa çoq insannı patlayıcı şeylernen özüni tutma temel qaideleri aqqında belgilendirmek ve grajdan kişilerniñ yaralanmasınıñ aldını almaq içün başlatıldı.

Bugünden mezkür sms-malümat bermesi muntazam olacaq. Ay boyunca «VF Ukraina» ŞAT şirketiniñ abuneleri böyle bir hatırlatmanı alacaqlar:

“Diqqatlı oluñız: minalar! Reintegratsiya nazirligi, patlayıcı şeylernen özüni tutma qaidelerine riayet etmek kerekligini hatırlata! Şübeli bir şey tapqanıñızda oña toqunmañız, etraftakilerni telüke aqqında haberdar etiñiz, 101, 102 ya da 112 telefon nomerası vastasınen tapılma aqqında haberdar etiñiz. Özüñizge baqıñız!”