Veteranlar ve aileleriniñ azaları içün kiçik biznes açmağa 400 biñ grivnağa qadar grant konkursı ilân etildi. “Tasil imkânlarını yarataraq cenk veteranlarınıñ reintegratsiyası” leyhası çerçivesinde bu konkurs keçirile.

 

Almaniya Federal tış işleri nazirliginiñ maliyeviy desteginen “Almaniya milliy universitetlerniñ birleşmesi” (DVV International) alman ükümetsiz teşkilâtınıñ temsili bu teşebbüsni yerine ketire. Temsilniñ saytında bu aqqında haber berdiler.

 

Aşağıdaki insanlar konkursta iştirak ete bileler:

 

• arbiy areketlerniñ iştirakçileri;

 

• cenk neticesinde saqatlı olğan insanlar;

 

• cenk veteranlarınıñ aileleriniñ azaları. Aile azaları arasında eş ya da mezkür kategoriyalardan insanlarnıñ balası.

 

Konkursnıñ esas talabı, Vinnıtsâ, Zaporijjâ, Lviv, Mıkolayiv, Nikopol, Poltava ve Sumı kibi bölgelerde yaşamaq ve biznes aşmağa planlaştırmaqtır.

 

Bağlantığa basıp, iştirak etmek içün onlayn formasını toldurmaq mümkün.

 

Konkursnıñ talaplarına uyğun olacaq iştirakçiker ariza berecek soñ vesiqalarnıñ qayd etüv paketini alacaqlar. 2024 senesi çiçek ayınıñ 26-sında qadar onı toldurıp elektron poçtağa yollamaq kerek:  [email protected].

 

Diqqat etiñiz ki, bir insan ya da aileden tek bir ariza alınacaq.

 

Mında konkursnıñ şartlarınıñ tafsilâtlarnı oqumaq mümkün.