Keçenlerde vitse baş nazir İrına Vereşçuknıñ başlığınen oturışta Harkiv şeer topraq cemaatında iqtisadiy istiqrarını destek meselesini muzakere ettiler.

Şu cümleden, ruslarnıñ muntazam ateşleri sebebinden Harkiv vilâyetiniñ iş adamları bir qaç meselenen yüzleşeler. Misal içün, elektrik kisilgende iş planlaştırmağa imkânı yoq ve ilâhre.

İç bir şeyge baqmadan çalışmağa devam etken biznesni destek etmek içün devlet yollarnı qıdıra.

Şu anda işhaneler içün bergi yüküni azlaştırmağa diqqat etmek kerek. Böyle destekni yerine ketirmek maqsadınen normativ-uquqiy aktlarğa deñişmelerni kirsetmek kerek.

Bundan ğayrı, maqbul imtiyazlarnıñ faaliyet saalarını tesbit etmek içün yerli akimiyet biznesnen bağ qura.

“Şimdi Harkiv vilâyetiniñ iş adamları er vaqıt çağıruvlarnen yüzleşeler, bunıñ içün devlet olarnı er bir saada destek etmeli. Ve biz bunıñ üzerinde çalışamız”, – dep vitse baş nazir qayd etti.