Forumda vitse baş nazir, “Qaramanlarnıñ siyaseti ve USQni destek etüv” panel munaqaşalarınıñ idarecisi oldı.

 

Panel munaqaşalarında USQniñ Topraq ordularınıñ Komandanı Oleksandr Pablük, Veteranlar meseleleri naziriniñ vazifesini yapqan Oleksandr Porhun, Mıkolayiv VAMniñ başı Vitaliy Kim, Lviv şeeriniñ başı ve Ukraina Prezidentiniñ uzurındaki Yerli ve bölge akimiyetleriniñ kongresiniñ Yerli akimiyetleri fırqasınıñ başı Andriy Sadovıy, Ukraina veteran fondunıñ müdiri, Ukraina Mudafaa naziriniñ muavininiñ mesleatçısı Ruslana Velıçko spikerler olaraq iştirak ettiler.

 

Herson VAMniñ reberi Oleksandr Prokudin, Çerkası VAMniñ reberi İhor Taburets, Poltava VAMniñ başı Filip Pronin ve Luhansk VAMniñ reberi Artem Lısoğor da muzakerelerde iştirak ettiler.

 

Panel vaqtında mobilizatsiya, arbiy areketler iştirakçileri ve cenk veteranlarınıñ ihtiyaclarını temin etmege yönelgen Qaramanlarnıñ siyaseti ve USQni detsek etüvni muzakere ettiler.

 

Şu cümleden, Silâlı Quvetleriniñ taqımlarını şekillendirüv meselesini muzakere ettiler. Bu ceryannıñ daa semereli ve faydalı keçmesi içün muayyen adımlar aqqında laf ettiler.

 

Bundan başqa, qayd etildi ki, Qaramanlarnıñ siyasetini muvafaqyetnen yerie ketirmek içün Ükümetniñ ğayretlerinden ğayrı, bölge ve yerli akimiyet bileşmeli.

 

İrına Vereşçuknıñ sözlerien köre, bizim Qaramanlarımız ve aileleriniñ azaları, devletniñ olarnı destek etmesi ve onıñ yerine ketirilmesini duymaq içün qaysı strategiyanı yazğanını añlamalılar.

 

Bundan ğayrı, şimdi hızmet etken askerlerni ürmet etmek ve ölgen askerlerni qaramanlar tanımaq müimdir. Memurnıñ qayd etkenine köre, cemaat veteranlar ve aileleriniñ azalarını içtimaiy qorçalavnı temin etmekniñ temelidir.