Vaqtınca işğal etilgen Donetsk ve Luhansk vilâyetleriniñ işğal akimiyeti bir qanun çıqardı. Oña binaen Ukrainanıñ kontrol etkeni topraqlarğa köçken ukrainalılarnıñ evleri “memuriy saiplikke” keçe.

«Donbas SOS» cemaat teşkilâtı, ev saipleriniñ bu vaziyette ne yapacaqlarını añlattı.

Birinciden mülk saipligi aqqını tasdıqlamaları içün VİETğa ketmek qararını almamağa çağıralar. Bu, sağlığı ve ayatı içün telükeli ola bilir.

Ukraina vatandaşları Luhansk ve Donetsk vilâyetlerinde qayd etilgenlerine baqmadan Rusiyeniñ topraqlarında olar filtratsiya teşkermesinden keçmeliler.

Vaqtınca işğal etilgen topraqlarda bulunmaq ta telükelidir. Çünki saiplik aqqını tasdıqlamaq içün işğal astında biraz vaqıt keçirmek kerek olacaq.

Bunıñ yerinde olar şunı qayd eteler: VEİTdaki mülk alınsa, Ukraina içün bu qararnıñ uquqiy küçü olmaz. Er bir alda Ukraina akimiyeti, işğal akimiyetiniñ qararlarını tanımaz.