Aile Herson vilâyetindeki Ğola Prıstan şeerinden Ukraina Ükümetiniñ kontrol etkeni topraqlarına köçe bildi. Yuqarı Şuranıñ İnsan aqları vekili Dmıtro Lubinets bu aqqında haber berdi.

Onıñ sözlerine köre, silânen rus askerleri aileniñ evini üç kere tinttiler. Olar şeerniñ sakinlerini ve balalarnı qorquta ediler. İşğal sahte saylavlarından soñ duşmanen işdeşlik yapqan yerli sakinler, rus mektebine baqmağan balalarnı ana-babasınıñ vasiyliginden marum etmege qorqutmağa başladılar.

Ana-baba oğlunıñ ukrain tasilini almağa devam etmesini, qızınıñ ise ukrain mektebiniñ 1. sınıfına ketmesini istediler. Bunıñ içün acelen köçemege qarar aldılar.

Bunı yapmaq içün olarnıñ yeteli parası yoq edi. Çünki balalarnıñ babası işğalcilerge çalışmağa istemey edi, şeerniñ sakinlerine yardım eterek para qazana edi.

Bahtına, birazdan aile köçe bildi. Bala aqlarını qorçalav merkezinde olarnı destek etmege devam etecek ruhiyatçılar ve devlet organlarınıñ vekilleri olarnen laf ettiler.

Balalarğa mektepke yazılmağa ve kerekli olsa tögereklerni saylamağa yardım etecekler.