Birinci hanım Olena Zelenskannıñ teşebbüs etkeni “Nasılsıñ?” umumiy ukrain ruhiy sağlıq programmasınıñ mütehassısları, qadın veteranlarnıñ ruhunı bozmamaq içün olarnen nasıl subet etmek kerekligini añlattılar.
Qadın askerge sayğı köstermek içün aşağıdaki ifadelerni qullanmañız:
- «Saña şu cenk nege kerek? Sen balalarnı baqmalı ediñ».
- «Bu qadın işi degil».
- «Qadınlarnıñ anda yapacaq şeyi yoq».
- «Balalar aqqında yahşıca tüşün».
Şu anda erkeklernen beraber aynı seviyede vazifelerni yapalar ve cevapkâr olalar.
Faqat cenk körgen qadınlar, içtimaiy yaşayışqa qaytuv ceryanını başqaca çekeler. Olar içün reintegratsiya olmaq daa zor, çünki cemaat olarğa erkek veteranlarğa kibi baqmay. Şu cümleden, bazı insanlar tüşüneler ki, cenk hızmeti “qadınnıñ adiy rolü”nen bağlanamaz.
Cenkten qaytqanda qadın veteranlar, ruhiy sağlıqnıñ müimligini sıq añlaylar ve mütehassıslarğa muracaat eteker.
Kerek olsa, qadın veteranlar aşağıdaki müessiselerden yardım ala bileler:
- «Vilnıy vıbir» CT: (063) 646-49-91;
- Ukrain veteran fondunıñ buhran destegi sıcaq hattı: 0 800 332 029;
- Veteran Hub veteran birleşmesi;
- «Divçata» CT;
- «Qadın ve cenk» HT;
- «Sınli» HF;
- «Qadın veteran areketi» CT.