Bu, ecnebiy ülkelerdeki tüm ukrain mektepleri ve tasil teşebbüsleriniñ işini idare etmege yardım etecek. Vitse baş nazir İrına Vereşçuknıñ başlığınen keçirilgen mahsus oturışnıñ iştirakçileri böyle qarar aldılar. 

Şu cümleden, HUM ecnebiy ülkelerdeki ukrain mektepleri ve Ukraina Ükümeti arasındaki bağ kanalı olmalı, dep subet ettiler.

Halqara ukrain mektebiniñ faaliyetini tarqatmaq maqsadınen şu anda eñ çoq ukrain vatandaşınıñ bulunğanı ülkelerde öz filiyalarını açmağa teklif ettiler. Olar, ecnebiy ülkelerde Ukraina devlet oquv yurtlarınıñ vekilleri olaraq areket ete ve mekteplerge HUMnen añlaşmalarnı imzalamağa yardım ete bilir edi.

Bundan ğayrı, maqbul filiyalar vaqtınca sıñav merkezleri olaraq qullanıla bilir edi. Bu, milliy çoq dersli testni keçirmek ve talebelerni oña azırlamaq içün kerek.

HUMniñ filiyalarınıñ yapa bilecekgi vazifelerden biri – ukrain ocaları içün tasil-usul habları ola bilir. Bundan ğayrı, halqara programmalar çerçivesinde vastasız yardım ala bilir edi.

Oturışnıñ iştirakçileri qayd ettiler ki, bu teşebbüske bücetten tış paranen yatırım yapmaq kerek. Misal olaraq, Ukrainanı yañıdan quruv planı çerçivesinde. Maqbul müessise bu imkânnı baqıp qarar alacaq.

“Şimdi HUM transformatsiya ola ve biz onı destek etmelimiz. Çünki bizge ecnebiy ülkelrde bulunğan ukrain ocaları ve talebelerini birleştirecek tasil boşluğı kerek”, – dep vitse baş nazir qayd etti.