Bugün Nazirler Kabineti, UNKniñ 2004 s. arman ayınıñ 25-inde 1102. qararında qayd etilgen Ferma hocalıqlarına qol tutumaq içün devlet bücetinden ayırılğan para qullanuv yol-yoruğına deñişmelerni qabul etti.

Cebege yaqın ya da vaqtınca işğal etilgen topraqlarda yerleşken bazı ferma hocalıqları 2022 senesinden evel Ukrdevletfondundan kredit aldı. Faqat, bugün olardan bazıları bücet parasını qaytarmaq borcusını tamamınen ödep olmaylar.

Deñişmelerge köre kredit ödeme müddeti 2025 sene ilk qış ayınıñ 31. kününe qadar uzatıldı.

2022 senesi kiçik aynıñ 24-ünde Devam etken (bitken) arbiy areketler ya da vaqtınca işğal etilgen topraqlarnıñ cedveline (ReNazirliginiñ emrinen tasdıqlanğan cedvel) kirsetilgen, şu cümleden, devlet elektron malümat resurslarınıñ çalışqanı ya da rusiye tarafından işğal etilgen topraqlarda yerleşken ferma hocalıqları aqqında laf etemiz.

Bundan ğayrı, bugünden Devlet agrar sicili vastasınen fermacılar maliyeviy destek almaq içün onlayn arizasını yollay bileler.

Böyle deñişmeler, devlet destegi programmalarında işitrak etmeleri içün tüm femra hocalıqlarına teñ talaplarnı yaratıp, agrarcılarnı destek etüvnen bağlı uzun devamlı devlet siyasetini tesbit etmeeg imkân berecek.

ReNazirliginiñ desteginen Agrar siyaset nazirligi, aktnıñ maqbul leyhasını azırladı. Şu cümleden, İşğalden azat etilecek topraqlar meseleleri idare ştabınıñ oturışlarında bu mesele evelden muzakere etildi.