Şu cümleden, balalar ve saqatlı insanlarğa 3 biñ grivnalıq ve başqa devlet içinde alınğan kişilerge ise 2 biñ grivnalıq aylıq devlet yaşayış yardımı aqqında laf etemiz.

Vitse baş nazir İrına Vereşçuknıñ başlığınen DAKniñ aq ve azatlıqlarını yerine ketirmege temin etüv meseleleri idare ştabınıñ oturışında bu mesele muzakere etildi.

Böylece, çiçek ayı içün DAKge devlet yardımı tamamınen ödendi. Umumen keçken ay deyerli 1 million devlet içinde alınğan kişi 2,6 milliard grivna miqdarında yaşayış yardımı aldı.

Qayd etmek kerek ki, ödemelerni alğan DAKniñ sayısı arttı, çünki ödemeler arizaları işlenilir.

Hatırlatamız ki, 2024 senesiniñ başından berli DAK ödemelerine umumen 16 milliard grivna ayırıldı.