Vitse baş nazir İrına Vereşçuknıñ başlğınen Cenkiy vaziyet şartlarında bala aqlarını qorçalav meseleleri idare ştabınıñ oturışında bu mesele muzakere etildi.

Vitse baş nazirniñ emirine köre İçtimaiy siyaset nazirligi, Milliy içtimaiy hızmet, Ombudsman, Odesa ve Dnipropetrovks VAMniñ vekilleri, yurlarnıñ reberleri ve halq mebusları Romaniyanı ziyaret etip, balalarnıñ yaşağanları şartlarnı teşkerdiler.

Romaniyadaki yurtlarğa tahliye etilgen balalarnıñ yaşağanları şartlarnı teşkermek maqsadınen çiçek ayınıñ 29. – mayıs ayınıñ 4. künü devrinde vekiller ecnebiy ülkeni ziyaret ettiler.

Şu anda 140 balanıñ bulunğanı 5 yurt teşkerildi. Şu cümleden, 114 balası Odesa vilâyetiniñ dört yurtundandır ve 26 balası Dnipropetrovsk vilâyetindeki bir yurttandır.

Nezaret taqımlarınıñ vekilleri qayd ettiler ki, balalar uyğun şartlarda bulunalar.

Aynı zamanda olarnıñ ihtiyaclarınen bağlı meseleler baqıldı. Şu cümleden, ecnebiy ülkelerge ketmek içün tış pasportları, ID-kartlarnı vesiqalatıruv, saqatlı insan statusını tasdıqlav meseleleri qayd etildi.

«Bu meseleni operativ şekilde al etmelimiz. Bizim balalarımız kerekli er bir vesiqanen tamin etilmeliler», —  dep vitse baş nazir qayd etti.

Bunıñ içün İrına Vereşçuk Odesa VAMne bir emir etti. Romaniyadaki Ukraina elçiligine kerekli vesiqalarnı azırlamaq içün VAM, balalarnıñ ecnebiy vekilleriniñ işini idare etmeli.

Hatırlatamız ki, vitse baş nazirniñ teşebbüsinen qanunlarğa deñişmeler kirsetildi. Oña köre, Ukrainadan vaqtınca alınğan öksüz balalar ve ana-babasınıñ vasiyliginden marum etilgen balalarnıñ qanuniy vekilleri, tış pasportını vesiqalaştırğanda avtomatik bilgiler işlnemesiniñ fiyatını ödemeycekler.