İş çerçivesinde Nazirniñ muavini Oleksiy Bruslıka, BMTnıñ Mesken ve aşayt olmağan eşyalar meseleleri klasteriniñ vekillerinen körüşti. 

Olarnıñ maqsadı – 2024/2025 ss. küz-qış mevsimine azırlanmaq içün Nazirlik ve halqara teşkilâtnıñ ğayretlerini idare etmek edi. Şu cümleden, cenkten zarar körgen topraqlardaki ev hocalıqlarını yaqarlıq ve keş-desteknen temin etmek içün.

Klasterniñ vekilleri, kelecek eñ suvuq mevsimge buhran qarşılığınen bağlı areket planını añlattılar. Bundan ğayrı, maqbul yardım alacaq bölgelerni tesbit ettiler.

Tahliye etilgen vatandaşlarnı vaqtınca yaşayış yerleriniñ sayısını arttırmaq meselesi de qayd etildi.

Oleksiy Bruslık Ükümet, Klaster ve başqa halqara gumanitar operatorlar arasındaki kommunikatsiya ve idareni kenişletmek kerekligini qayd etti. Şu cümleden, halqara ortaqlarnıñ vitse baş nazir İrına Vereşçuknıñ başlığınen oturışlardaki iştiraki ve azırlanuv algoritmini muzakere ettiler.

«Biz evelden suvuq mevsimge azırlanmağa başlaymız, çünki keçken sene alğan tecribemizni diqqatqa alıp, ayrı neticelerini çıqarmalımız. Bu, kelecek qızdıruv mevsiminiñ çağıruvlarına daa da semereli qarşılıq köstermege yardım etecek. Becermek içün halqara gumanitar teşkilâtlarnen muntazam ve yaqın işdeşligi kerek. Orat ğayretlerimiznen cenkten zarar körgen ukrainalılarnı, küz-qış mevsimini yahşıca yaşamaları içün kerekli er şeynen temin ete bilirmiz», — dep Oleksiy Bruslık qayd etti.