Tek telemarafonıñ calı yayınında ICTV telekanalına intervyi bergende Ukraina vitse baş naziri İrına Vereşçuk bunı bildirdi.

“Terrorcı bir devletnen küreşniñ 300 künü. Bu, bütün dünyanı şaşırıp qaldı. Biz dayandıq ve cenkleşmege devam etemiz. Ukrain ordusı bizim meskün yerlerimizni yavaş yavaş azat ete. İşğalden azat etilgen topraqlarda reintegratsiya devam ete. Topraqlar minasızlaştırılır, yaşayış teminatı sistemaları yañıdan qurulır, içtimaiy hızmetler ve tibbiyetke yañıdan irişim yaratılır. Yerli akimiyet organları, işniñ adiy rejimine keri qaytalar”, – dep haber berdi.

Memur qayd etti ki, şu anda toqtamayıp çalışqan minasızlaştırıcılar ve energetikacılar eñ zor iş yapalar. Ve qoştı ki, tecavuzcınıñ eñ çoq minalarnen tolu olğanı topraq Herson vilâyetidir. Duşman, vilâyet merkeziniñ tınç yaşağan ealiniñ qarşılığı içün içtimaiy astyapını ve tınç yaşağan sakinlerniñ evlerini ateşke tutıp, oña añlı tarzda ahtıman ala.

“Em cebege yaqın rayonlarda, em de başqa bölgelerde, şu cümleden paytaht, epimiz ışıqsız, suvsız, sıcaqlıqsız ve alâqasız azap çekemiz. Amma bizim maqsadımıznı açıq aydın tarzda añlaymız – bütün ukrain topraqlarını duşmandan azat etmek, bizim balalarımıznıñ bahtlı ve sakin kelecegidir. Ve biz bu maqdatka mıtlıqa ireşecekmiz!” – dep İrına Vereşçuk hulâsa çıqardı.