Ukrainadaki leh biznes-missiyası çerçivesinde bugün Kıyiv şeerinde tibbiyet, ilâçşınaslıq, reabilitatsiya ve protezleştirüv saalarında leh-ukrain biznes konferentsiyası keçe.
Vitse baş nazir İrına Vereşçuk, tedbirniñ iştirakçilerine hayırlav sözüni ayttı. Bundan ğayrı, Ukrainadaki Lehistan Cumhuriyetiniñ Vekâletli ve Salâhiyetli Elçisi Yaroslav Ğuzı, Lehistan Yatırım ve Ticaret Agentliginiñ İdaresiniñ (РАІН) Başı Anjey Dıha ve Lehistan Cumhuriyetiniñ İnkişaf ve Tehnologiyalar nazirliginiñ devlet kâtibi Yatsek Tomçak söz ayttılar.
«Lehistannen bağ qurmağa devam etmek bizim içün müimdir. Em bu tedbirniñ iştirakçileri olğan leh şirketleriniñ vekilleriniñ Ukrainağa yatırım etmek kerekligini aytacaq bizim merametli ambasadorlarımız olmaları, – dep İrına Vereşçuk qayd etti.
Konferentsiyanıñ programması çerçivesinde tibbiyet, ilâçşınaslıq, reabilitatsiya ve protezleştirüv saalarında mümkün olacaq leyhalar ve Ukrainada leh tecribesini qullanuv meseleleri muzakere etecekler.
Kıyivdeki PAIHniñ Ecnebiy Ticaret Bürosınıñ müdiri Karol Kubitsa ve Kıyivdeki Lehistan Cumhuriyeti Elçiliginiñ iqtisadiyat bölüginiñ reberi Davıd Tomaşevskıy bu saalı mesleatlarnıñ idarecisi olacaq.
Sağlıq nazirligi, Mudafaa nazirligi, İçtimaiy siyaset nazirligi, Veteranlar nazirligi ve USQniñ Tibbiy ordusınıñ Komandanlığınıñ vekilleri leyhalarını taqdim ettiler.
Bundan ğayrı, leh yatırımcılarınıñ ukrain ihtisasiy teşkilâları ve işhanelerine tanıştırıcı ziyaretini planlaştıralar. Körüşüvlerniñ sessiyasında tahminen 20 leh şirketi iştirak etecek.
Biznes-missiyanıñ maqsadı – leh biznesiniñ Ukrainadaki tibbiy ve reabilitatsiya yatırımları ve gumanitar leyhalarğa qatılmasıdır.
Lehistan Yatırım ve ticaret Agentligi konferentsiyanı teşkil etti. Kıyivdeki PAIHniñ temsili, dünyanıñ 57 ülkesineki temsillerinden eñ büyüktir. 2022 senesi arman ayından berli PAIH Ukrainanı yañıdan qurmağa meraqlanğan leh şirketleriniñ sicilini tize. Şu anda sicilge 3 biñ leh şirketi qayd olundı.
Tedbirniñ ortaqları arasında Lehistan İnkişaf ve Tehnologiyalar nazirligi, Kıyivdeki Lehistan Cumhuriyeti Elçiligi, Leh-Ukrain Hocalıq Palatası, Ukrainadaki Halqara leh iş adamlarınıñ birleşmesi, UkraineInvest, Lehistan İş adamları ve iş bericiler birleşmesi ve Lehistan İlimler Akademiyası. Strategik ortağı ise ReNazirligi.