O, Barışivka cemaatınıñ uzaq köylerine keteler, çünki anda statsionar aphane yoq. Sağlıq nazirligi bu aqqında haber berdi.

 

Mobil ilâç noqtasında ihtiyac duyğanıñız (retseptli ve retseptsiz) ilâclarnı almaq mümkün olacaq. Şu cümleden, “İrişilir ilâclar” devlet programması çerçivesinde ilâclarnı almaq mümkün olacaq.

 

Bu Telegram kanalında mobil aphaneniñ Kıyiv vilâyetindeki marşrutını ögrenmek mümkün. Bundan ğayrı, aile ekimi ya da yerli akimiyet bu aqqında haber berecek.

 

Birazdan Kıyiv vilâyetiniñ Tetiyiv cemaatı, Jıtomır ve Çernihiv vilâyetleriniñ daa 6 cemaatında böyle aphaneler çalışmağa balaycaq.

 

Şu anda ülkemizniñ 5 bölgesinde: Harkiv, Mıkolayiv, Çerkası, Çernihiv ve Kıyiv vilâyetlerinde böyle mobil aphaneler çalışa.

 

Hatırlatamız ki, 2023 senesi arman ayında Ükümet bir qarar aldı. Oña köre, izin alğan kötere ilâç satıcılar, mobil ilâc noqtalarını teşkil ete bileler. Böyle aphaneler, ilâc noqtalarınıñ olmağanı köylerde çalışa bileler. Cenkiy vaziyet devrinde ise cebege yaqın topraqlarda da mobil aphaneler çalışa bile.